ڈھاکہ ٹیسٹ: سیریز میں پاکستان کی فتح یقینی نظر آنے لگی

ڈھاکہ: پاکستان اور بنگلادیش کے درمیان دوسرے ٹیسٹ میچ کے تیسرے روز کا کھیل مسلسل بارش کے باعث تعطل کا شکار ہے۔

ڈھاکہ کے شیر بنگلا کرکٹ اسٹیڈیم میں پاکستان اور بنگلادیش کے درمیان دوسرے ٹیسٹ میچ کے تیسرے دن کا کھیل مسلسل بارش کے باعث تعطل کا شکار ہے جب کہ دونوں ٹیموں کو فی الحال ہوٹل میں رہنے کی ہدایت کی گئی ہے۔

میچ آفیشلز کے فیصلے کے بعد ٹیمیں ہوٹل سے اسٹیڈیم روانہ ہوں گی تاہم بارش کے باعث آج کا کھیل بھی ختم کرنے کا امکان ہے۔

واضح رہے کہ دوسرے روز کا کھیل بھی بارش کے باعث وقت سے پہلے ختم کردیا گیا تھا جبکہ دوسرے دن کے کھیل کے اختتام تک پاکستان نے 2 وکٹوں کے نقصان پر 188 رنز بنالیے تھے۔

پاکستان ٹیم کے کپتان بابر اعظم اور اظہر علی اب بھی کریز پر موجود ہیں اور دونوں کھلاڑیوں نے 100 رنز سے زائد کی شراکت قائم کی ہوئی ہے جبکہ بابر اعظم نے 71 اور اظہر علی نے 52 رنز بنالیے ہیں۔

پہلا دن

دوسرے ٹیسٹ میچ کے پہلے روز پاکستان ٹیم نے ٹاس جیت کر پہلے بیٹنگ کرنے کا فیصلہ کیا اور اننگ کا آغاز اوپنرز عابد علی اور عبداللہ شفیق نے کیا۔

بعد ازاں 25 بناکر عبداللہ شفیق اور 39 رنز بناکر عابد علی پویلیں لوٹ گئے جبکہ بنگلادیش کی جانب سے دونوں کھلاڑی تیج الاسلام نے آوٹ کیے۔

خٰیال رہے کہ پاکستان کے پیئنگ الیون میں کپتان بابر اعظم، نائب کپتان محمد رضوان، عابد علی، عبداللہ شفیق، اظہر علی، فواد عالم، فہیم اشرف، حسن علی، نعمان علی، ساجد خان اور شاہین شاہ آفریدی کھیل رہے ہیں۔

یاد رہے کہ پاکستان اور بنگلادیش کے درمیان دو ٹیسٹ میچز پر مشتمل سیریز کھیلی جارہی ہے جس کا پہلا میچ جیت کر پاکستان کو سیریز میں 1،0 کی برترتی حاصل ہے جبکہ سیریز میں شامل دونوں ٹیسٹ میچز آئی سی سی ورلڈ ٹیسٹ چیمپئن شپ کا حصہ ہیں۔

اس سے قبل کھیلے گئے پہلے ٹیسٹ میچ میں پاکستان نے بنگلادیش کو 8 وکٹوں سے شکست دی تھی  جس میں اوپنرز عابد علی اور عبداللہ شفیق نے بیٹنگ میں اہم کردار کیا تھا۔

The post ڈھاکہ ٹیسٹ: سیریز میں پاکستان کی فتح یقینی نظر آنے لگی appeared first on .