پرتگال کے فٹ بال کلب پرکورونا اومی کرون کا حملہ ، 13 افراد وائرس سے متاثر

پرتگال کے فٹ بال کلب بیلی نینسس کے کھلاڑیوں اور اسٹاف ممبر سمیت 13 افراد میں کورونا وائرس کے نئے ویرئینٹ کا ٹیسٹ مثبت آ گیا۔

ایک درجن سے زائد افراد میں اومی کرون وائرس کی موجودگی کی خبر نے عالمی کھیلوں کی دنیا میں ہلچل مچا دی ہے۔

مثبت کیسوں کے بعد فٹ بال کلب کا بین فیکا کلب کے ساتھ میچ ملتوی کرنے کا فیصلہ کر لیا گیا ہے ۔

بیلی نینسس فٹ بال کلب کے ترجمان نے بین الاقوامی میڈیا کو بتایا کہ تمام 44 کھلاڑیوں اور کلب کے اسٹاف ممبرز سیلف آئیسولیٹ ہو چکے ہیں۔ ترجمان کا کہنا ہے کہ اومی کرون سے متاثرہ افراد میں وائرس کےاثرات کم ہیں۔

کلب ترجمان کے مطابق تمام اتنی بڑی تعداد میں اومی کرون وائرس متاثر ہونے کے باعث میچ کے لئے صرف 6 کھلاڑی ہی باقی بچے ہیں ۔

دوسری جانب بیلی نینسس اور بین کلب نے ڈائریکٹر جنرل ہیلتھ پرشدید برہمی کا اظہار کیا ۔

واضح رہے کہ محکمہ صحت کی انتظامیہ نے ابھی تک کلب میچز کو ملتوی کرنے کا اعلان نہیں کیا ہے، جبکہ لیگ انتظامیہ کا بھی کہنا ہے انہیں میچ ملتوی کرنے کے حوالے سے کوئی ای میل موصول نہیں ہوئی ہے۔

The post پرتگال کے فٹ بال کلب پرکورونا اومی کرون کا حملہ ، 13 افراد وائرس سے متاثر appeared first on .

Print Friendly, PDF & Email