مظفرگڑھ میں 12 سالہ بچی کی پراسرار موت

مظفرگڑھ میں 12 سالہ بچی کی پراسرار موت کا معاملہ سامنے آیا ہے۔

تفصیلات کے مطابق مظفرگڑھ کے بیٹ میرہزار میں 12 سالہ بچی کی پراسرار موت ہوئی ہے۔

پولیس نے کہا کہ تدفین سے قبل ہی بچی کی لاش تحویل میں لے لی گئی ہے۔

پولیس کا کہنا ہے کہ بچی کے والدین کے بیانات متضاد ہیں۔

پولیس کے مطابق بچی کی لاش پوسٹ مارٹم کے لیے ٹی ایچ کیو ہسپتال جتوئی منتقل کر دی گئی ہے اور اس کیس کی تحقیقات جاری ہیں۔

پولیس کا کہنا ہے کہ پوسٹ مارٹم اور فرانزک رپورٹ آنے کے بعد ہی موت کی وجوہات معلوم ہو سکیں گی۔

پولیس نے کہا کہ والدین کا کہنا ہے کہ ماں کے پیسے نہ دینے پر بچی نے زہریلی شے پی کر خودکشی کی ہے۔

پولیس کا مزید کہنا ہے کہ پوسٹ مارٹم اور فرانزک رپورٹس میں قتل ثابت ہوا تو قتل کا مقدمہ درج کیا جائے گا۔

The post مظفرگڑھ میں 12 سالہ بچی کی پراسرار موت appeared first on .