بیرون ملک میں بسنے والے پاکستانی ہمارا سرمایہ ہیں، وزیراعلیٰ پنجاب

وزیراعلیٰ پنجاب سردار عثمان بزدار کا کہنا ہے کہ بیرون ملک میں بسنے والے پاکستانی ہمارا سرمایہ ہیں۔

تفصیلات کے مطابق وزیراعلیٰ پنجاب سردار عثمان بزدار نے اوورسیز پاکستانیز کمیشن پنجاب کے نئے وائس چیئرمین مخدوم طارق محمودالحسن سے ملاقات کی ہے۔

ملاقات میں وزیراعلیٰ عثمان بزدار نے مخدوم طارق محمودالحسن کیلئے نیک خواہشات کا اظہار کیا ہے۔

وزیراعلیٰ عثمان بزدار نے بیرون ملک مقیم پاکستانیوں کے مسائل کے حل کیلئے مخدوم طارق محمودالحسن کو گائیڈ لائنز دی ہیں۔

عثمان بزدار نے کہا ہے کہ سمندر پار پاکستانیوں کے مسائل کے حل کیلئے جامع پالیسی بنائی گئی ہے، ملکی معیشت کی مضبوطی کیلئے اوورسیز پاکستانیوں کی خدمات فراموش نہیں کرسکتے۔

وزیراعلیٰ پنجاب سردار عثمان بزدار نے مزید کہا ہے کہ حکومت پنجاب بیرون ملک مقیم پاکستانیوں کے حقوق اور املاک کا تحفظ ہر قیمت پر یقینی بنائے گی، اوورسیز پاکستانیوں کی شکایات کے ازالے کیلئے بھرپور کوششیں بروئے کار لائی جائیں۔

واضح رہے کہ پرنسپل سیکرٹری وزیراعلیٰ پنجاب بھی اس موقع پر موجود تھے۔

The post بیرون ملک میں بسنے والے پاکستانی ہمارا سرمایہ ہیں، وزیراعلیٰ پنجاب appeared first on .