صحافیوں کے مسائل اور فیک نیوز کیلئے ہم دو فورم بنارہے ہیں، فواد چوہدری

وفاقی وزیر اطلاعات فواد چوہدری کا کہنا ہے کہ صحافیوں کے مسائل اور فیک نیوز کے لیے ہم دو فورم بنارہے ہیں۔

تفصیلات کے مطابق وفاقی وزیر اطلاعات فواد چوہدری نے سینیٹ کی قائمہ کمیٹی برائے اطلاعات و نشریات کے اجلاس میں بریفنگ دیتے ہوئے کہا کہ کچھ چیزیں سیاست سے بالاتر ہو کر بھی سوچنی چاہیے۔

وفاقی وزیر کا کہنا ہے کہ حکومت کوئی تجاویز لانا چاہے اور آپ اس پر بلیک میل کرنا شروع کر دیں ایسا نہیں چلے گا، ہم نے کچھ آئیڈیاز پر کام شروع کیا ہے۔

فواد چوہدری نے کہا ہے کہ ہم نے گزشتہ دو ماہ میں 75 کروڑ روپے میڈیا کو جاری کیے ہیں، کوئی عامل صحافی فیک نیوز کو سپورٹ نہیں کر سکتا، صحافیوں کے مسائل اور فیک نیوز کے لیے ہم دو فورم بنارہے ہیں۔

وزیر اطلاعات فواد چوہدری نے پی ایم ڈی اے پر بریفنگ دیتے ہوئے کہا کہ جس طرح مشاورت کر رہے ہیں ایسا ملکی تاریخ میں پہلی بار ہوا ہے۔

وفاقی وزیر اطلاعات فواد چوہدری نے مزید کہا ہے کہ مشترکہ طور پر تمام پارلمانی فورمز پر اس بل کے مسودہ پر بریفنگ دے رہے ہیں، ان سارے معاملے پر ایک کمیٹی بنائی، یہ سب ہماری تجاویز ہیں جو مشاورت سے بدلی جا سکتی ہیں۔

The post صحافیوں کے مسائل اور فیک نیوز کیلئے ہم دو فورم بنارہے ہیں، فواد چوہدری appeared first on .