افواج پاکستان نے بھارت کو دنداں شکن جواب دیا اور سرحدوں کا دفاع کیا تھا،فضل الرحمٰن

جمیعت علمائےاسلام ف کے سربراہ مولانا فضل الرحمٰن نے کہا ہے کہ افواج پاکستان نے بھارت کو دنداں شکن جواب دیا اور سرحدوں کا دفاع کیا تھا۔

تفصیلات کے مطابق  راولپنڈی میں تحفظ ختم نبوت و یوم دفاع پاکستان کانفرنس سے جمعیت علمائے اسلام ف کے سربراہ مولانا فضل الرحمٰن نے خطاب کرتے ہوئے کہ کہ  راولپنڈی کی تاجر تنظیموں کے قائدین شاہد غفور پراچہ، شرجیل میر و دیگر شمع رسالت کے پروانوں، تاجدارِ ختم نبوّت کی ناموس کیلئے قربانی دینے والوں، بزرگوں ،جوانوں، دوستو ں میں  عالمی مجلسِ تحفظ ختم نبوت کا شکر گزار ہوں انہوں نے اس مقدس مقصد کیلئے مجھے بھی اس قابل سمجھا میں بھی اس میں شریک ہو کر سرکار کی شفاعت کا حقدار بن جاؤں۔

 مولانا فضل الرحمٰن کا کہنا تھا کہ عقیدہ ختم نبوت کے قلعے میں نقب لگانے والوں کو روکنےاور عقیدہ تحفظ کیلئے ایک چوکیدار کا کردار ادا کرتے ہیں، امت غافل بھی ہو جائے تو کام جاری رکھتے ہیں۔

ان کا کہنا تھا کہ  یوم دفاع کے موقع پر افواجِ پاکستان کی قربانیوں کو خراجِ تحسین پیش کرتے ہیں، ختم نبوت کے ان پروانوں کو بھی خراج تحسین پیش کرتا ہوں جنہوں نے سپاہی کا کردار ادا کیا ہے۔

جمیعت علمائے اسلام ف کے چیئرمین کا کہنا تھا کہ  برصغیر کا سب سے بڑا فتنہ قادیان سے اٹھا تو پنجاب کے علما میدان میں نکلے اس فتنے کو للکارا تو پوری قوم نے لبیک کیا، قادیانی ہو یا لاہوری غیر مسلم قرار دیئے گئے ان افراد کی روح کو تسکین ہوئی ہوگی جنہوں نے قربانیان دیں۔

جمیعت علمائےاسلام ف کے سربراہ مولانا فضل الرحمٰن کا مزید کہنا تھا کہ  آج کا اجتماع بھی ایسا ہی ہے موجودہ حکمرانوں کے دور میں جو امتحان آیا اس سے پہلے کبھی نہیں آیا تھا، جن کے ایجنڈے پر یہ بات موجود ہو کہ ناموسِ رسالت کے قانون کو ختم کیا جائے قادیانی کو غیر مسلم قرار دینے کے شک کو ختم کیا جائے۔

The post افواج پاکستان نے بھارت کو دنداں شکن جواب دیا اور سرحدوں کا دفاع کیا تھا،فضل الرحمٰن appeared first on .