دبئی :بیروزگار پاکستانی نوجوان راتوں رات کروڑ پتی بن گیا

دبئی کا رہائشی 31 سالہ بیروزگار پاکستانی نوجوان لاٹری جیت کر راتوں رات کروڑ پتی بن گیا۔

عرب میڈیا کی رپورٹ کے مطابق دبئی میں رہائش پذیر 31 سالہ راجہ نامی پاکستانی نوجوان نے سالگرہ کے روز ایک ملین درہم کی لاٹری جیت لی، نوجوان کی لاٹری کے چھ میں سے 5 نمبر میچ کرگئے۔

سالگرہ کے روز راجہ کو خبر ملی کہ اس نے محظوظ لائیو ڈرا میں ایک ملین درہم جیت لیے ہیں، لاٹری کے 14ویں ڈرا کا اعلان کیا گیا تھا۔

رپورٹ کے مطابق راجہ ایک لاجسٹک کمپنی میں بطور اکاؤنٹ منیجر کام کررہا تھا تاہم دو مہینے پہلے اس نے اپنی نوکری سے استعفیٰ دے دیا تھا اور نئی ملازمت کی تلاش شروع کردی تھی۔

پاکستانی نوجوان نے بیروزگار ہونے کے بعد بھی لاٹری کا ٹکٹ لینا نہ چھوڑا اور اسی عادت نے اس کی زندگی بدل دی۔

راجہ کا کہنا تھا کہ اپنی سالگرہ کے دن کروڑ پتی بننا حیران کن اور شاندار احساس ہے، سالگرہ کا اس سے شاندار تحفہ کوئی اور نہیں مل سکتا۔

انہوں نے کہا کہ انعام جیتنے سے ایک دن پہلے تک میں بہت پریشان تھا اور نوکری کی تلاش میں تھا سوچا نہیں تھا کہ قسمت اس طرح مجھ پر مہربان ہوگی۔

واضح رہے کہ ڈرا میں شرکت کے لئے 35 درہم کی لاٹری خریدی جاتی ہے، اگلی قرعہ اندازی 4 ستمبر کو رات 9 بجے ہوگی۔

The post دبئی :بیروزگار پاکستانی نوجوان راتوں رات کروڑ پتی بن گیا appeared first on .

Print Friendly, PDF & Email