خواتین کو شوبز انڈسٹری میں ہراساں کیا جاتا تھا: انوشے اشرف کا انکشاف

پاکستان کی معروف اداکارہ انوشے اشرف نے شوبز انڈسٹری کے حوالے سے اہم انکشاف کر دیا ہے۔

 تفصیلات کے مطابق اداکارہ نے کہا ہے کہ وہ شوبز میں آئیں تب انڈسٹری میں باقاعدہ طور پر غیر فلمی خاندان یا متوسط طبقے سے تعلق رکھنے والی خواتین کو ہراساں کیا جاتا تھا۔

 

View this post on Instagram

 

A post shared by Anoushey Ashraf (@anousheyashraf)

یاد رہے کہ اداکارہ انوشے اشرف خواتین کو ہراساں کرنے، ریپ واقعات اور گھریلو تشدد پر کھل کر بات کرتی دکھائی دیتی ہیں۔

 ماضی میں بھی وہ خود کو ہراساں کیے جانے سے متعلق ٹوئٹس کر چکی ہیں۔

انہوں نے مقامی انگریزی کی ویب سائٹ کو انٹرویو دیتے ہوئے کہا کہ مجھے دیگر خواتین کے ساتھ ہونے والے جنسی استحصال کے واقعات دیکھ کر احساس ہوا کہ ایسا سب کچھ ان کے ساتھ بھی ہو چکا ہے۔

اداکارہ نے بتایا کہ کیریئر کے آغاز میں مجھے ’فیمنزم‘ کی تحریک کا مطلب معلوم نہیں تھا مگر جب خواتین نے تحریک کا نام استعمال کرتے ہوئے ساتھ ہونے والے استحصال کے واقعات کو بیان کیا تو مجھے اس کا مفہوم سمجھ آیا۔

انوشے اشرف کے مطابق می ٹو مہم اور ’فیمنزم‘ تحریک دراصل خواتین کا آواز بنے ہیں، جس کے تحت عورتوں نے اپنے ساتھ ہونے والی ناانصافیوں پر کھل کر بات کی۔

اداکارہ نے کہا کہ جب خواتین نے جنسی استحصال کے واقعات پر بات کرنا شروع کی تو احساس ہوا کہ ایسا سب کچھ تو انکے ساتھ بھی ہوا ہے اور یہاں تک بچپن میں ان کا جنسی استحصال بھی کیا گیا۔

ماڈل و اداکارہ نے یہ انکشاف بھی کیا کہ جب وہ شوبز میں آئیں تب انہوں نے انڈسٹری میں کئی خواتین کا استحصال ہوتے ہوئے دیکھا، متوسط یا نچلے طبقے سے آنے والی خواتین کو ہراساں ہوتے ہوئے میں نے دیکھا۔

اداکارہ انوشے نے مزید بتایا کہ شوبز میں غیر فلمی گھرانوں یا متوسط اور غریب گھرانوں کی خواتین کو باقاعدگی سے چھیڑا جاتا، ان کا استحصال کیا جاتا، انہیں کم اجرت دی جاتی تھی۔

The post خواتین کو شوبز انڈسٹری میں ہراساں کیا جاتا تھا: انوشے اشرف کا انکشاف appeared first on .

Print Friendly, PDF & Email