8 سالہ ریان یوٹیوب کا سب سے زیادہ کمانے والا اسٹار بن گیا

8 سالہ ریان جیساکوئی نہیں،جی ہاں اس بچےکےبارےمیں آپ بھی جان کرحیران ہوجائیں گے،کہ کوئی  بچہ اس جیساکیوں نہیں ہے۔

8 سالہ ریان کاتعلق  امریکا سےہے،جو صرف کھلونوں سےکھیل کرسالانہ 26 ملین ڈالرز (ایک ارب 84 کروڑ پاکستانی روپے سے زائد) کما لیتا ہے۔

امریکا سے تعلق رکھنے والے اس بچے کو فوربس  نے 2019 میں یوٹیوب کا سب سے زیادہ کمانے والا اسٹار بتایاہے جوکہ کھلونوں اورٹافیوں وغیرہ کاریویوکرکےاتناکماتاہے۔

ریان کے یوٹیوب چینل کانام ورلڈ (جو پہلے ریان ٹوائز ریویو) کےنام سےتھا۔ اس بچے نےاپنے والدین کی مدد سےکھلونوں کےریویوزکاایک چینل بنایاہے۔

فوربس کاکہناہےکہ ایک اندازے کےمطابق جون 2018 سے جون 2019 کے دوران ریان نے 26 ملین ڈالرز کمائے ۔جبکہ اس سے ایک سال قبل یعنی 2018 میں یہ آمدنی 22 ملین ڈالرز اور 2017 میں گیارہ ملین ڈالرز سے زائد تھی۔

8سالہ ریان

ریان نےچارسال کی عمرمیں اپنایوٹیوب چینل ریان ٹوائزریویو کواپنے گھروالوں کی مد دسےقائم کیا تھا  جس کا نام اب ریانز ورلڈ ہے اور اس کے سبسکرائبرز کی تعداد 23 ملین سے زیادہ ہوچکی ہے۔

جولائی 2015 میں جس ویڈیو نے اسے یوٹیوب اسٹار بنایا، وہ ڈزنی پکسار کی کار سیریز کے سو کھلونوں کا ریویو تھا جسے اب تک ایک ارب سے زائد بار دیکھا جاچکا ہے۔

اب وہ کھلونوں کےعلاوہ سائنسی تجربات بھی کرتاہےاوریوٹیوب سےہٹ کربھی کھلونوں، ملبوسات اور دیگر چیزیں متعارف کراچکا ہے جبکہ مختلف ٹی وی شوزمیں بھی جلوہ گرہوتا ہے۔

اس  کےعلاوہ  ریان گنیزبک آف ورلڈ ریکارڈ کابھی حصہ بن چکاہے۔

Print Friendly, PDF & Email