گہکیر(زیل نمائندہ) ابرہیم خان جو علاقہ درونگاغ گہکیر میں اپنی سماجی خدمات کے حوالے سے جانی پہچانی شخصیت تھی گزشتہ مہینے حرکت قلب بند ہونے کی وجہ سے داغ مفارقت دے گیے تھے ۔ مرحوم کی سماجی خدمات اور علاقے کی تعمیر و ترقی میں ان کے کردارکو خراج تحسین پیش کرنے کے لیے گزشتہ دنوں ڈیزاسٹررسک منیجمنٹ کمیٹی (DRMC) کے زیر انتظام CBRDC آفس بندوگول ویلی گہکیرمیں تعزیتی پروگرام کا اہتمام کیا گیا۔ سابقہ پرنسپل محمد موسٰی صدر محفل اور گلاف ریشن کے آرگینائزر رضوان الدین مہمان خصوصی تھے۔ تعزیتی ریفرنس میں کثیر تعداد میں عمائدین علاقہ ، نوجوانان اور مختلف شعبہ ہائے زندگی سے تعلق رکھنے والے افراد نے شرکت کی۔ خطبہ استقبالیہ پیش کرتے ہوئے DRMC کے جنرل سیکریٹری نصیراللہ نے تمام شرکاء پروگرام کو خوش آمدید کہا اور پروگرام کے کامیاب انعقاد کے سلسلے میں تعاون کرنے پر تمام منتظمین کا شکریہ ادا کیا ۔ انہوں نے گہکیراور درونگاغ کی ترقی میں کردار ادا کرنے پر حاجی عبدالباقی مرحوم،چیرمین خیرانظرمرحوم،ممبر علی محمدمرحوم،اور زارخان مرحوم کی کاوشوں کو بھی سراہا اور انہیں خوب صورت الفاظ میں خراج عقیدت پیش کیا۔اس موقع پر اپنے خطاب میں فضل نادر، مولانا شرعظیم شاہ، خوش ربی، حاجی عبدالجبار، سردارولی، سراج خان، برہان الدین اور DRMCکے چیر مین مولانا محمد مراد نےمرحوم ابراہیم خان کے علاقے کی سماجی ترقی میں کردار اور GLOF کے پائیلٹ منصوبے کو بندوگول ویلی میں کامیاب بنانے پر انہیں خراج عقیدت پیش کیا۔ انہوں نے کہا کہ زندہ قومیں ہمیشہ اپنے مشاہیر کو اچھے الفاظ میں یاد کرتی ہیں اور ان کے نقش قدم پر چلنے کی کوشش بھی کرتی ہیں۔ آخر میں مہمان خصوصی رضوان الدین اور صدرمحفل پرنسپل (ر) محمد موسٰی نے مرحوم ابراہیم خان کی سماجی خدمات کو علاقے کی ترقی میں مثالی کارنامہ قرار دیا۔ انہوں کے کہا کہ مرحوم صدر نے دن رات ایک کرکے اپنے علاقے کے لیے جوکام کیا ہے وہ ہدیہ تبریک اور سپاس تشکر کے مستحق ہیں ۔آخر میں اجتماعی دعا کے ساتھ تعزیتی پروگرام اختتام پذیر ہوا۔
دیگر موضوعات میں
نگران وزیر اعظم کا دورہ ہنزہ، گلگت بلتستان بھر میں بجلی کے مسائل حل کرنے کی یقین دہانی
14 ستمبر 2023
مدک لشٹ چترال میں آعاخان یوتھ اینڈ سپورٹس بورڈ کی طرف سے موسمیاتی تبدیلی کے حوالے سے آگہی واک
2 ستمبر 2023
راکاپوشی بیس کیمپ کے قریب مقامی نوجوان نے کوہ پیما کی لاش دریافت کرتے ہوئے دہائیوں پرانے اسرار سے پردہ اٹھایا
12 اگست 2023
کھوار لوک ادب میں خواتین کے نکتہ نظر” کے موضوع پر سیمیناراور لوک گیت “لوواہ” کی تقریب رونمائی
8 اگست 2023
استاد الاساتذہ ناجی خان ناجی مرحوم کی یاد میں تعزیتی ریفرنس اور “ضرب قلم” کی تقریب رونمائی
7 اگست 2023
دریائے چترال میں طغیانی سے سیاحتی مقام ایون میں کئی گھر اور وسیع ایریا زیر آب آگئے ہیں
20 جولائی 2023
دنین لشٹ کے وی سی سی کے ممبران کا ڈی ایف او وائلڈ لائف اور صدر فیض الرحمن کی مبینہ طور پر کروڑوں روپے کے کرپشن کے خلاف احتجاج
18 جولائی 2023
پولیس ملازمین کے فلاح بہبود کے لئے ویلفر فنڈ کا اطلاق، ریجنل پولیس آفیسر کی خصوصی احکامات
17 جولائی 2023