چترال (زیل آن لائن ) عالمی یوم یتامیٰ کے موقع پر آغوش چترال میں ایک تقریب کا اہتما م کیا گیا جس میں ادارہ ہذٰا میں زیر تربیت بچوں کے ساتھ زندگی کے مختلف شعبوں سے تعلق رکھنے والے حضرات نے شرکت کی۔ ہر سال پندرہ رمضان المبارک کو دنیا بھر میں یتامیٰ کا دن منایا جاتا ہے۔ عالمی سطح پر یہ دن والدین کی محبت سے محروم بچوں کے ساتھ اظہار یکجہتی، حوصلہ افزائی اور ہمدردی کے طور پر منایا جاتا ہے۔ الخدمت فاؤنڈیشن پاکستان یتامیٰ کی سرپرستی کے حوالے سے ایک تاریخ رکھتی ہے اور اس وقت الخدمت کے زیر انتظام مختلف شہروں میں قائم "آغوش ہومز” میں ہزاروں بچے نہایت لگژری ماحول میں تعلیم و تربیت کے مراحل سے گزر رہے ہیں۔ جہاں ان باحوصلہ بچوں کی تعلیم و تربیت، قیام و طعام، کھیل کود اور صحت کے ساتھ زندگی کی بنیادی سہولیات بہترین طریقے سے فراہم کی جاتی ہیں۔ یتیم بچوں کی تعلیم و تربیت کا یہ قابل فخر ادارہ امسال چترال میں بھی قائم کیا جاچکا ہے، جو کہ الخدمت پاکستان کی طرف سے اہل چترال کے لیے ایک بیش بہا اور خوبصورت تحفہ ہے۔ الخدمت فاؤنڈیشن چترال کی طرف سے امسال کرونا وبا کے پیش نظر "یوم یتامیٰ” محدود پیمانے پر الخدمت آغوش ہی میں منانے کا فیصلہ کیا گیا اور اغوشیں کے اعزاز میں آج ایک خوبصورت تقریب سجائی گئی۔ تقریب میں سرپرست الخدمت چترال مولانا اخونزادہ رحمت اللہ، صدر الخدمت چترال نوید احمد بیگ، وجیہہ الدین اور الخدمت کے دیگر ذمہ داران اور رضاکار شریک ہوئے۔ اس موقع پر بچوں کو عیدی اور تحائف بھی دیئے گیے۔
دیگر موضوعات میں
نگران وزیر اعظم کا دورہ ہنزہ، گلگت بلتستان بھر میں بجلی کے مسائل حل کرنے کی یقین دہانی
14 ستمبر 2023
مدک لشٹ چترال میں آعاخان یوتھ اینڈ سپورٹس بورڈ کی طرف سے موسمیاتی تبدیلی کے حوالے سے آگہی واک
2 ستمبر 2023
راکاپوشی بیس کیمپ کے قریب مقامی نوجوان نے کوہ پیما کی لاش دریافت کرتے ہوئے دہائیوں پرانے اسرار سے پردہ اٹھایا
12 اگست 2023
کھوار لوک ادب میں خواتین کے نکتہ نظر” کے موضوع پر سیمیناراور لوک گیت “لوواہ” کی تقریب رونمائی
8 اگست 2023
استاد الاساتذہ ناجی خان ناجی مرحوم کی یاد میں تعزیتی ریفرنس اور “ضرب قلم” کی تقریب رونمائی
7 اگست 2023
دریائے چترال میں طغیانی سے سیاحتی مقام ایون میں کئی گھر اور وسیع ایریا زیر آب آگئے ہیں
20 جولائی 2023
دنین لشٹ کے وی سی سی کے ممبران کا ڈی ایف او وائلڈ لائف اور صدر فیض الرحمن کی مبینہ طور پر کروڑوں روپے کے کرپشن کے خلاف احتجاج
18 جولائی 2023
پولیس ملازمین کے فلاح بہبود کے لئے ویلفر فنڈ کا اطلاق، ریجنل پولیس آفیسر کی خصوصی احکامات
17 جولائی 2023